عذبني ياحلو تعذيبك

عذبني ياحلو تعذيبك .. كلمات د. أديب بازهيـر

عذبني حبه المجنون ..عذبني حسه الفتون

عذبني قلبه الحنون ..عذبتني فيه الشجون

عـذبني ياناس بعنــاده

عـذبني جماله زيــاده

واللي معذبني أكثـر

اني دايم عليه أصبـر

وأتجاهل ولا أفكـر

يعذبنـي بس أحبه مهما يعذبنـي

يتعبنـي بس أحبه مهما يتعبنـي

يجننـي بس أحبه مهما يجننـي

يـازين عذابه وعناده

يازينها والله من عاده

عذبني ياعمري زياده

أعشق عذابك وتعذيبــك

عذبني في حبك يازينــك

عذبني ياحلـو تعذيبــك

ساكن في قلبـي ومتربـع ياغالـي.. هذا قلبـي اجرحه المهـم ترتـاح

أنا و قلبـي فدوه لجرحك الغالـي.. أبيع راحتـي وأشري منك الجـراح

عطني جروحك أبيها لي لحـالـي.. وخذ مني كل ماعندي من أفـراح

هات همومك وعطني أحزانـــك

أنـا عايش بالدنيـا عشانـــك

اجرحني وعذبني ياحلـو تعذيبـك ..يازينـه عذابك ويازين الجـروح

اهجرني و اتركني ما راح أسيبـك ..وين ماتـروح والله معـك أروح

مالك غيري أنا الوحيد حبيبـك..يعني أنا وأنت جسديـن في روح

خذ حناني واروينـي حنانـــك

خذ حضني ودفيني بأحضانـــك

بس عذبنـي ياحلـو تعذيبــك

كلمات

د. أديب بازهير